fbpx

Please assign a menu to the primary menu location under menu

ನೋಡನೋಡುತ್ತಿದ್ದಂತೆ ಹಣದ ಕಟ್ಟನ್ನು ಬಾಯಲ್ಲಿ ಎತ್ತಿಕೊಂಡು ಓಡಿಹೋದ ಕಳ್ಳ ಬೆಕ್ಕು, ವೈರಲ್ ವೀಡಿಯೋ ನೋಡಿ

ಬೆಕ್ಕುಗಳು ಕದ್ದು ಹಾಲು ಕುಡಿಯೋದು, ಕದ್ದು ತಿನ್ನೋದು ಸಾಮಾನ್ಯವಾಗಿ ಕೇಳಿರ್ತೇವೆ. ಆದರೆ ಇಲ್ಲೊಂದು ಬೆಕ್ಕು ಹಣದ ಕಟ್ಟನ್ನು ಎಗರಿಸಿ ಬಾಯಿಯಲ್ಲಿ ಓಡಿಕೊಂಡು ಹೋಗಿದೆ.

ರಷ್ಯಾದ ಪಬ್ ಒಂದರಲ್ಲಿ ಈ ಘಟನೆ ನಡೆದಿದ್ದು, ಬಾರ್ ಕೌಂಟರ್‌ನಲ್ಲಿ ಮಾಲೀಕ ಇಲ್ಲದಿರೋದನ್ನ ಗಮನಿಸಿದ ಬೆಕ್ಕು ಹಣದ ಕಟ್ಟನ್ನು ಡ್ರಾವರ್‌ನಿಂದ ಎಗರಿಸಿ ಬಾಯಲ್ಲಿ ಹಿಡಿದುಕೊಂಡು ಓಡಿಹೋಗಲು ಯತ್ನಿಸಿದೆ. ಆದರೆ ಹಣದ ಕಟ್ಟು ಬೆಕ್ಕಿನ ಬಾಯಿಂದ ಜಾರಿ ಬಿದ್ದಿದ್ದು, ಅಲ್ಲೇ ನಡೆದುಕೊಂಡು ಹೋಗುತ್ತಿದ್ದ ವ್ಯಕ್ತಿ ಆ ಹಣದ ಕಟ್ಟು ಎತ್ತಿಕೊಂಡು ಪಬ್ ಮಾಲೀಕನಿಗೆ ಹಿಂದುರುಗಿಸಿದ್ದಾರೆ.

ಬಾರ್ ಮಾಲೀಕನ ಪ್ರಕಾರ ಇಂತಹ ಘಟನೆ ಹಿಂದೆಯೂ ನಡೆದಿದೆಯಂತೆ. ಈ ಹಿಂದೆಯೂ ಹಲವು ಬಾರಿ ಹಣ ಕದಿಯುವಾಗ ಬೆಕ್ಕು ಮಾಲೀಕರ ಕೈಗೆ ಸಿಕ್ಕಿಬಿದ್ದಿದೆ, ಬೆಕ್ಕಿನ ಕುಚೇಷ್ಟೆಯನ್ನು ಗಮನಿಸಬೇಕೆಂದೆ ಪಬ್ ಮಾಲೀಕ ಎಲ್ಲಾ ಕಡೆ ಸಿಸಿಟಿವಿ ಅಳವಡಿಸಿದ್ದಾನೆ.

ಯಾರೋ ಈ ಬೆಕ್ಕನ್ನು ಬಾಕ್ಸ್ ಪೆಟ್ಟಿಗೆಯಲ್ಲಿ ತುಂಬಿ ಪಬ್ ಮುಂಬಾಗ ಬಿಟ್ಟು ಹೋಗಿದ್ದರಂತೆ. ಅದನ್ನು ಗಮನಿಸಿದ ಪಬ್ ಮಾಲೀಕ ಬೆಕ್ಕನ್ನು ತಮ್ಮ ಜೊತೆಯೇ ಇಟ್ಟುಕೊಂಡು ಸಾಕುತ್ತಿದ್ದಾರೆ. ಆದರೆ ಬೆಕ್ಕು ಅನ್ನ ಹಾಕಿದವರಿಗೆ ಕನ್ನ ಹಾಕುವ ಕೆಲಸ ಮಾಡಿದೆ.

ಕೆಲವರ ಪ್ರಕಾರ ಈ ಬೆಕ್ಕಿನ ಹಿಂದಿನ ಮಾಲೀಕ ಈ ಬೆಕ್ಕಿಗೆ ಕಳ್ಳತನ ಮಾಡೋದು ಕಲಿಸಿರಬಹುದು, ಹಾಗಾಗಿ ಬೆಕ್ಕು ಕಳ್ಳತನಕ್ಕೆ ಇಳಿದಿದೆ ಎನ್ನಲಾಗುತ್ತಿದೆ. ಸಿಸಿಟಿವಿಯಲ್ಲಿ ಸೆರೆಯಾದ ವೈರಲ್ ವೀಡಿಯೋ ನೋಡಿ,

Watch Video

error: Content is protected !!